Forvaltningslova krev at kommunen skal opplyse saker så godt som mogleg før avgjerd vert fatta.
Høyring nyttar vi for at innbyggarar, organisasjonar og næringsliv skal få seie si meining, kunne føre kontroll med kva kommunen gjer, og korleis vi utfører oppgåvene våre.
Vi sender saker på høyring fordi det er ein demokratisk rett for alle å få vere med på å utforme offentleg politikk. I tillegg er det viktig at synspunkta for dei som sakene vedkjem, er kjende for dei som skal fatte avgjerder.
Høyringssaker kan dreie seg om framlegg som regulerer folk sine rettar og plikter, organisering av forvaltninga, endra myndeområde og utgreiingar.
