Rettleiing

Godkjenning

Alle barnehagar, skular og skulefritidsordningar skal vere godkjende av kommunen etter Forskrift om helse og miljø i barnehager, skoler og skolefritidsordninger §15. Forskrifta sitt formål er å fremme barn og elevar si helse, trivsel, leik og læring, samt at sjukdom, skade og alvorlege hendingar forebyggast.

Eigar av verksemda skal søke om godkjenning når det planleggast etablering, utviding (tilbygg) eller endring (til dømes større renovering, bruk av lokaler som tidligare ikkje har vore i bruk, driftsmessige endringar, bruk av erstatningslokaler m.m.)

Tilsyn

Kommunen fører tilsyn med at verksemdene fyller krava i forskrifta. Det planleggast for regelmessige tilsyn, ca kvart 4. år. Tilsynsprioritering gjerast etter årleg vurdering av helserisiko.

Om skjemaet

Dette skjemaet tar utgangspunkt i krava som blir stilt til barnehagar i Forskrift om helse og miljø i barnehager skoler og skolefritidsordninger (heretter: forskrifta).

Skjemaet blir brukt av kommunen som tilsyns- og godkjenningsmyndigheit som grunnlag ved:

1.  godkjenning av ny verksemd jf forskrifta §15
2.  tilsyn med allereie godkjende verksemder jf forskrifta §19

Skjemaet refererer til dei relevante paragrafane i forskrifta. Spørsmåla bygger særleg på råd og krav i rettleiaren: Helse og miljø i barnehager, skoler og skolefritidsordninger.

Eigar/leiar skal gjere seg kjend med rettleiaren før utfylling.

Skjemaet skal fyllast ut og sendast til kommuneoverlegen ved søknad om godkjenning og ved avtale om tilsyn. Tid for eventuelt stadleg tilsyn vil bli avtalt nærmare.

Verksemder skal vere godkjend før oppstart. Godkjenning eller avslag på godkjenning vert fatta som enkeltvedtak etter forvaltningslova §2. Manglande godkjenning inneber ikkje nødvendigvis at verksemda ikkje kan driftast vidare, men det krevast oppfølging med sikte på godkjenning.

Kommunen kan bruke verkemidler etter folkehelselova kapittel 3 for å oppnå godkjenning og sørge for at verksemda drivast i tråd med forskrifta.